Paris Saint-Germain er allt í einu að horfa aftur til sóknarmannsins Victor Osimhen sem spilar með Napoli.
Frá þessu greinir L’Equipe í Frakklandi en Osimhen hefur margoft verið orðaður við franska félagið.
Undanfarið hefur Osimhen aðallega verið orðaður við önnur félög og var PSG talið hafa áhuga á öðrum leikmönnum.
Napoli vill fá 130 milljónir evra fyrir Osimhen og er það ekki verðmiði sem PSG er tilbúið að borga.
PSG heldur þó í vonina að Napoli lækki þennan verðmiða og eru ágætis líkur á að það gerist fyrir gluggalok.
