Steve McClaren gæti verið að hætta í þjálfarateymi Manchester United ef marka má nígeríska fjölmiðla.
Fjölmiðlar í Nígeríu segja að McClaren sé ofarlega á óskalista nígeríska knattspyrnusambandsins sem leitar að þjálfara.
McClaren er fyrrum landsliðsþjálfari Englands en hann hefur starfað í þjálfarateymi Erik ten Hag undanfarin tvö ár.
Finidi George var síðasti þjálfari Nígeríu en hann ákvað að láta af störfum í síðasta mánuði.
McClaren býr yfir mikilli reynslu sem aðalþjálfari og vann til að mynda hollensku deildina með FC Twente.