Javier Tebas, forseti spænska knattspyrnusambandsins, hefði viljað sjá Lionel Messi aftur í La Liga í vetur.
Messi var í viðræðum við sitt fyrrum félag, Barcelona, í fyrra en hann ákvað að yfirgefa Paris Saint-Germain eftir stutt stopp í Frakklandi.
Messi er þekktastur fyrir tíma sinn hjá Barcelona en hann spilaði þar í 17 tímabil en hélt til Bandaríkjanna í sumar.
Tebas hefði elskað það að fá Messi aftur í deildina í sumar en þessi 36 ára gamli leikmaður náði ekki samkomulagi við sitt fyrrum félag og samdi við Inter Miami.
,,Messi kláraði ekki feril sinn í La Liga því hann og Barcelona náðu ekki samkomulagi. Ég óskaði þess að hann yrði áfram og myndi klára feril sinn hér,“ sagði Tebas.
,,Það hefði verið best fyrir hann, mig og Barcelona. Ég hefði viljað sjá hann halda sig á Spáni og aldrei fara til PSG. Þetta endaði sorglega á milli Messi og fótboltans á Spáni.“
