Sorgarfréttir bárust frá Ekvador í dag en markvörðurinn Justin Cornejo er látinn aðeins 20 ára gamall.
Um var að ræða efnilegan markvörð sem var vinsæll á meðal liðsfélaga sinna í Barcelona SC í Ekvador.
Cornejo var þriðji markvörður liðsins en hann spilaði einnig með U20 landsliði Ekvador og spilaði sinn fyrsta landsleik 2022.
Greint er frá því að Cornejo hafi orðið fyrir höfuðmeiðslum og lést hann samstundis.
Liðsfélagar Cornejo syrjga þessa stundina og hafa birt margar fallegar kveðjur á internetinu.
,,Ég get ennþá ekki komist yfir þetta, hvíldu í friði, litli bróðir,“ skrifaði Allen Obando sem lék með Cornejo.
,,Það er svo sársaukafullt að kveðja en við getum hugsað um allar frábæru minningarnar sem við áttum saman.“
Cornejo spilaði aldrei aðalliðsleik fyrir Barcelona sem er í efstu deild í Ekvador en spilaði með varaliðinu.