James McClean, leikmaður Wrexham og fyrrum leikmaður Sunderland, Wigan, West Brom og Stoke, er langt frá því að vera vinsæll á meðal Englendinga.
Um er að ræða fyrrum írskan landsliðsmann sem hefur lengi verið afskaplega óvinsæll á Englandi en hann hikar ekki við að segja eigin skoðanir.
McClean hélt með spænska landsliðinu á EM í gær er úrslitaleikur mótsins fór fram en England spilaði þar gegn Spánverjunum.
McClean birti mynd af sér í landsliðstreyju Spánar sem vakti mikla reiði á meðal netverja sem er mögulega skiljanlegt.
Fyrr á mótinu hafði McClean harðlega gagnrýnt miðjumanninn Declan Rice en hann lék eitt sinn fyrir Írland áður en hann skipti yfir í enska búninginn.
,,Þú ert svo mikið fífl, farðu aftur heim til þín,“ skrifar einn við færslu McClean og bætir annar við: ,,Okkur er alveg sama, áfram England. Drullastu burt, gerpi.“
Myndina má sjá hér fyrir neðan.