Stórstjarnan Kylian Mbappe er að skoða það að kaupa sitt fyrsta knattspyrnufélag en frá þessu greinir RMC Sport.
Mbappe gekk í raðir Real Madrid í sumar en hann mun fá tæplega 13 milljónir punda í árslaun á Spáni.
Það eru þó lægri laun en Mbappe fékk í mörg ár í heimalandinu en hann lék þar með Paris Saint-Germain.
Samkvæmt RMC Sport í Frakklandi er Mbappe að horfa á það að kaupa lið Caen sem leikur í næst efstu deild Frakklands.
Pierre-Antoine Capton er eigandi liðsins og hefur staðfest það að félagið sé í leit að nýjum eiganda.
Fyrirtæki Mbappe sem tilheyrir honum og hans fjölskyldu, KM7, ku hafa mikinn áhuga á að fjárfesta.
Athygli vekur að liðsfélagi Mbappe í franska landsliðinu, N’Golo Kante, lék með liðinu á sínum tíma.