Ollie Watkins spáði fyrir um framtíðina í gær fyrir leik Englands og Hollands sem fór fram í lokakeppni EM.
Um var að ræða undanúrslitaleik í mótinu en Watkins kom inná ásamt Cole Palmer á 81. mínútu er staðan var 1-1.
Tíu mínútum síðar var staðan orðin 2-1 fyrir Englandi en Palmer sendi boltann á Watkins sem skoraði með laglegu skoti.
Watkins segist hafa spáð fyrir um að það myndi gerast og sver sjálfur upp á börnin sín.
,,Ég sver upp á börnin mín að þetta hafi gerst,“ sagði Watkins í samtali við blaðamenn eftir leikinn.
,,Ég sagði við Cole fyrr í dag að við myndum báðir koma inná, að hann myndi gefa boltann á mig og ég myndi skora. Það gerðist!“