Manchester United gæti fengið inn framherja í sumar og eru tveir leikmenn í ensku úrvalsdeildinni til skoðunar.
The Athletic segir frá þessu en leikmennirnir sem um ræðir eru þeir Dominic Calvert-Lewin og Ivan Toney.
Báðir renna út á samning eftir ár, Calvert-Lewin hjá Everton og Toney hjá Brentford. Þeir hafa ekki gert sig líklega til að skrifa undir nýja samninga. Það gæti styrkt stöðu United í viðræðunum.
Erik ten Hag, stjóri United, leitar að manni í sóknarlínuna sem getur verið Rasmus Hojlund til halds og trausts.