Erling Braut Haaland verður dýrasti leikmaður í sögu Fantasy-leiksins vinsæla í ensku úrvalsdeildinni á næstu leiktíð.
Eins og flestir vita snýst leikurinn um það að velja 15 leikmenn í ensku úrvalsdeildinni og fá sem flest stig. Stigagjöf fer eftir frammistöðu leikmanna.
Notendur fá 100 milljónir punda til að eyða en í nýjustu útgáfu leiksins kostaar Haaland 15 milljónir punda.
Enginn í sögunni hefur verið dýrari. Metið var 14 milljónir og þeir sem áttu það voru Haaland sjálfur, Thierry Henry, Cristiano Ronaldo og Robin van Persie.
Haaland skoraði 27 mörk í ensku úrvalsdeildinni á síðustu leiktíð og var langvinsælastur í Fantasy-leiknum.