Haraldur Árni Hróðmarsson hefur verið ráðinn nýr þjálfari Grindavíkur og mun stýra félaginu út leiktíðina í Lengjudeild karla. Marko Valdimar Jankovic verður aðstoðarmaður hans.
Þetta kemur fram í tilkynningu félagsins en Haraldur tekur við af Brynjarni Birni Gunnarssyni, sem var látinn fara á dögunum.
Meira
Brynjar Björn rekinn frá Grindavík – „Það var upphafið og endirinn að þessu hjá mér“
Haraldur Árni var aðstoðarþjálfari hjá ÍA á síðustu leiktíð en hann ásamt Jóni Þór Haukssyni stýrðu ÍA til sigurs í Lengjudeildinni. Þar áður var hann aðstoðarmaður hjá Val þegar Heimir Guðjónsson stýrði félaginu ásamt því að vera yfirþjálfari yngri flokka.
„Það er með mikilli ánægju sem við kynnum inn Harald sem nýjan þjálfara Grindavíkur. Við teljum að Haraldur og Marko munu koma af miklum krafti inn í starfið hjá okkur og væntum við mikils af samstarfinu,“ segir Haukur Guðberg Hauksson, formaður Knattspyrnudeildar Grindavíkur.
Tilkynning Grindavíkur
Haraldur Árni nýr þjálfari Grindavíkur
Haraldur Árni Hróðmarsson hefur verið ráðinn nýr þjálfari Grindavíkur og mun stýra félaginu út leiktíðina í Lengjudeild karla.
Marko Valdimar Jankovic mun starfa með Haraldi Árna sem aðstoðarþjálfari.
Haraldur Árni var aðstoðarþjálfari hjá ÍA á síðustu leiktíð en hann ásamt Jóni Þór Haukssyni stýrðu ÍA til sigurs í Lengjudeildinni. Þar áður var hann aðstoðarmaður hjá Val þegar Heimir Guðjónsson stýrði félaginu ásamt því að vera yfirþjálfari yngri flokka.
Haraldur er með KSÍ A þjálfaragráðu og UEFA Elite Youth A gráðu.
„Það er með mikilli ánægju sem við kynnum inn Harald sem nýjan þjálfara Grindavíkur. Við teljum að Haraldur og Marko munu koma af miklum krafti inn í starfið hjá okkur og væntum við mikils af samstarfinu,“ segir Haukur Guðberg Hauksson, formaður Knattspyrnudeildar Grindavíkur.
Knattspyrnudeild Grindavíkur býður Harald Árna velkominn til starfa hjá félaginu. Jafnframt vill félagið þakka Brynjari Birni Gunnarssyni og Orra Frey Hjaltalín fyrir sín störf við þjálfun meistaraflokks karlaliðs Grindavíkur.
Áfram Grindavík
