Riðlakeppni EM í Þýskalandi var rækilega gerð upp í nýjasta þætti af Íþróttavikunni. Þar fengu þeir Helgi Fannar og Hrafnkell Freyr lögfræðinginn og hlaðvarpsstjörnuna Jóhann Skúla Jónsson í heimsókn.
Holland hafnaði í þriðja sæti síns riðil en var þó heppið og mætir Rúmeníu, sem vann sinn riðil, í 16-liða úrslitum.
„Það er mjög týpískt að Holland endi í þriðja sæti í riðlinum og fái svo bara Rúmeníu,“ sagði Helgi.
„Galið, algjörlega galið,“ sagði Jóhann og baunaði á fyrirkomulagið á EM.
„Það er galið að þetta séu 24 lið. Það þyrfti að fjölga þessu frekar upp í 32 lið því þetta þriðja sætis dót er bara algjört rugl.“
Hann segir það að fjölga liðum í 32 myndi ekki endilega þýða að verri lið kæmu inn.
„Þegar þú skoðar hvaða lið eru ekki á mótinu núna, þetta eru til dæmis Svíþjóð, Noregur og Ísland, það er ekki eins og við séum að hleypa San Marínó og Liechtenstein inn í mótið.“
Umræðan í heild er í spilaranum.