Markus Babbel, fyrrum landsliðsmaður Þýskalands, ‘tárast’ þegar hann sér enska landsliðið spila á EM í Þýskalandi.
England hefur alls ekki verið sannfærandi á mótinu hingað til og mætir Slóvakíu í 16-liða úrslitum á morgun.
Babbel skaut þá á Trent Alexander-Arnold, leikmann Englands, sem hefur heillað fáa með sinni frammistöðu á miðjunni.
,,Þýskaland myndi alls ekki óttast það að mæta Englandi. England gæti verið með bestu leikmennina en þeir hafa verið svo lélegir,“ sagði Babbel.
,,Þegar þú sérð þá spila leiki þá tárastu. Ég er ekki viss hvað þeir eru að reyna að gera.“
,,Horfið bara á Trent Alexander-Arnold sem er magnaður fyrir Liverpool og svo hvernig hann er með landsliðinu, það er eins og hann eigi tvíburabróður.“