Kylian Mbappe mun ekki vinna Ballon d’Or á þessu ári og á það ekki skilið að sögn Neymar, fyrrum liðsfélaga frönsku stórstjörnunnar.
Mbappe er einn besti framherji heims en hann hefur átt nokkuð fínt ár og gekk í raðir Real Madrid í sumar.
Neymar lék með Mbappe hjá Paris Saint-Germain en hann nefnir þrjá leikmenn Real sem eru fyrir ofan Mbappe í vali á besta leikmanni heims.
Tveir leikmennirnir eru Brasilíumenn líkt og Neymar en sá þriðji er Jude Bellingham sem er einnig leikmaður Real.
,,Vinicius Junior er númer eitt, Rodrygo er númer tvö ásamt Jude Bellingham,“ sagði Neymar við blaðakonuna Isabela Pagliari.
Neymar bætti svo við að Mbappe fengi pláss en það væri því miður aðeins þriðja sætið þetta árið.