Eins og margir vita þá á fyrrum landsliðsþjálfari Englands, Sven-Goran Eriksson ekki mikið eftir á þessari ágætu jörð en hann greindist með krabbamein fyrir ekki svo löngu síðan.
Eriksson segir að jafnvel færustu læknar geti ekki dæmt um það hvenær hann þurfi að kveðja en hann er 76 ára gamall.
Eriksson nýtur lífsins þrátt fyrir þetta ólæknandi krabbamein og hefur nýtt tímann í að ferðast um alla Evrópu.
,,Hef ég áhyggjur af þessu? Ég held að það sé betra að hafa enga hugmynd um framhaldið,“ sagði Svíinn.
,,Mér líður mismunandi á hverjum degi en suma morgna þá vakna ég og mér líður frábærlega.“
,,Næstum því fullkomlega en aðra morgna þá glími ég við vandamál en góðu dagarnir eru enn til staðar og ég er í lagi.“
,,Ég hef ferðast alls staðar í Svíþjóð, Englandi, Ítalíu oig Portúgal og ég hef tárast hversu vingjarnlegt fólk getur verið.“
,,Ég er heppinn að fólk tali vel um mig á meðan ég er lifandi.“