Manchester United er tilbúið að selja Marcus Rashford í sumar. Frá þessu segir HITC í Englandi og Sky Sports vitnar svo í.
Þessi 26 ára sóknarmaður skoraði sex mörk og lagði upp tvö mörk í 33 leikjum í ensku deildinni í fyrra.
Þessi slaka frammistaða Rashford varð til þess að hann missti af sæti í EM hópi Englands.
Fram kom í fréttum í gær að PSG væri að kanna áhuga Rashford á að koma, ef hann er klár ætlar félagið að ræða við United.
Rashford hafði átt frábært tímabil með United árið á undan en í fyrra datt allur botninn úr leik hans og félagið vill því skoða að selja hann.