England mætir Slóvakíu í 16-liða úrslitum EM í Þýskalandi á sunnudag og ensku götublöðin beina nú sjónum að Simona Leskovska, sem starfar fyrir knattspyrnusamband Slóvakíu.
England hafnaði í efsta sæti C-riðils þrátt fyrir ósannfærandi frammistöðu það sem af er móti. Slóvakar höfnuði í þriðja sæti E-riðils.
Leskovska, sem er fyrrum fyrirsæta og keppandi í ungfrú Slóvakía, er til umfjöllunnar í Englandi í dag en hún sér til að mynda um samfélagsmiðla fyrir sambandið í Slóvakíu og tekur viðtöl við leikmenn.
„Einhverjir sögðu mér að kona úr fyrirsætubransanum gæti ekki unnið við fótbolta. Þau sem hlógu einu sinni að mér vilja núna fá mynd með mér,“ segir Leskovska, sem er með 200 þúsund fylgjendur á Instagram.
Leskovska er ánægð með sín störf.
„Nú birtum við miklu meira efni á samfélagsmiðla, búum til myndbönd og þess háttar. Þetta hefur verið mjög vinsælt.“