Al-Nassr í Sádi-Arabíu heldur áfram að reyna að finna kaupanda fyrir Sadio Mane. Einu tilboði hefur þegar verið hafnað.
Ítalski blaðamaðurinn Rudy Galletti segir frá þessu, en það er aðeins ár síðan þessi fyrrum leikmaður Liverpool gekk í raðir sádiarabíska félagsins frá Bayern Munchen.
Þrátt fyrir að Senegalinn hafi skorð 19 mörk og lagt upp 11 í öllum keppnum á síðustu leiktíð vill Al-Nassr losa hann.
Félagið hefur þegar hafnað tilboði frá Al Quadsiah, nýliðum í efstu deild Sádi-Arabíu. Þá er tilboð frá evrópsku félagi til skoðunar.
Sjálfur vill Mane þó helst vera áfram hjá Al-Nassr, enda á ansi góðum launum.