Einn leikmaður enska landsliðsins fékk sérstaklega slæma einkunn og umsögn hjá hinu virta franska blaði, L’Equipe, eftir markalaust jafntefli gegn Slóveníu í lokaleik C-riðils á EM í gær.
England hafði verið ósannfærandi það sem af var í 1-0 sigri á Serbum og 1-1 jafntefli gegn Dönum. Ekki skánaði frammistaðan í gær en dugði hún þó til að vinna C-riðilinn.
L’Equipe gaf svo einkunnir að vanda og fengu þeir Kyle Walker og Jude Bellingham verstu útreiðina, 3 í einkunn. Umsögnin um þann fyrrnefnda var þá sérlega slæm.
„Gerði eiginlega allt rangt og var óþekkjanlegur,“ stóð í umsögninni.
Einkunnagjöf L’Equipe
Jordan Pickford – 6
Kyle Walker – 3
Marc Guehi – 4
John Stones – 5
Kieran Trippier – 5
Declan Rice – 6
Conor Gallagher – 4
Jude Bellingham – 3
Phil Foden – 5
Bukayo Saka – 4
Harry Kane – 6
