Micah Richards sérfræðingur BBC á Evrópumótinu segist hafa gert stór mistök núna mótinu þegar hann datt í það og fór snemma í flug.
Richards var að taka upp hlaðvarpið The Rest is Football ásamt góðum mönnum þar sem menn voru að fá sér rauðvín.
„Við fengum okkur nokkuð glös af rauðvíni, ég var kominn aðeins í það,“ sagði Richards.
„Við vorum að taka upp með Gary Lineker en svo komu David Moyes og Thomas Frank líka. Þetta varð löng nótt og ég var búinn 02:30 að taka upp. Flugið mitt var klukkan 06:00. Ég ákvað bara að halda áfram að drekka, það var versta ákvörðun lífs míns.“
Hann segist flughræddur fyrir. „Mér er illa við ókyrrð, ég er hræddur við flug. Ég ætlaði að reyna að leggja mig en það var ókyrrð. Ég mætti á hótelið klukkan 10:00 og hafði ekki sofið neitt.“
Richards segist hafa hitt Roy Keane á flugvellinum. „Þetta var flug snemma og það var fólk að reyna að ræða við mig, ég var búinn á því. Ég biðst afsökunar á að hafa verið dónalegur.“
„Ég var að labba og það var gripið í mig, ég hugsaði hver í andskotanum þetta væri.“
„Þetta var Roy Keane, ég sat í sömu röð og hann í fluginu og það var ein kon á milli okkar.“