Jónatan Ingi Jónsson og Gylfi Þór Sigurðsson leikmenn Vals eru bestu leikmenn fyrri hlutans í Bestu deild karla. Þetta kemur fram í einkunnargjöf FotMob.
FotMob fer eftir tölfræði leikmanna og gefur einkunn eftir hvern einasta leik. Gylfi og Jónatan eru með yfir 8 í meðaleinkunn.
Báðir komu til Vals fyrir tímabilið og hafa svo sannarlega styrkt Val sem situr í þriðja sæti deildarinnar og er liðið tveimur stigum á eftir toppliði Víkings.
Athygli vekur að topplið Víkings á ekki leikmann á meðal tíu bestu. Þrír frá Val komast á blað og fjórir úr herbúðum Breiðabliks.
Fram, FH og ÍA eiga svo sinn fulltrúa.
10 bestu miðað við einkunnargjöf FotMob:
1-2. Jónatan ingi Jónsson 8,09
1-2. Gylfi Þór Sigurðsson 8,09
3. Patrick Pedersen 7,71
4-5. Kjartan Kári Halldórsson 7,60
4-6. Jason Daði Svanþórsson 7,60
6. Viktor Jónsson 7,58
7-9. Viktor Karl Einarsson 7,55
7-9. Kennie Chopart 7,55
7-9. Aron Bjarnason 7,55
10. Höskuldur Gunnlaugsson 7,49