Arne Slot nýr stjóri Liverpool þarf ekki að hafa áhyggjur af FFP reglunum þegar hann og félagið skoðar leikmenn til að styrkja sig í sumar.
Ensk blöð segja að Liverpool sé ekki í neinum vandræðum og geti eytt rúmlega 150 milljónum punda án þess að hafa áhyggjur.
Ofan á það getur svo bæst ef liðið selur leikmenn.
The Athletic segir að Liverpool vilji fá miðvörð, miðjumann og kantmann í sumar til að styrkja liðið sem Slot tekur við af Jurgen Klopp.
Marc Guehi varnarmaður enska landsliðsins og Crystal Palace er nefndur til sögunnar sem maður sem gæti komið inn í hjarta varnarinnar með Virgil van Dijk.
Slot hefur hafið störf á Anfield og fer nú yfir það með þeim sem ráða hvaða leikmenn skal herja á.