Talið er að örlög Erik ten Hag ráðist í þessari viku en hann er væntanlegur til baka úr sumarfríi.
Eigendur og stjórnendur Manchester United hafa farið yfir stöðuna síðustu tvær vikurnar.
Stjórnendur United hafa fundað með hinum ýmsu stjórum og nú síðast Thomas Tuchel fyrrum stjóra Bayern.
Tuchel hefur hins vegar ákveðið að draga sig til baka úr slagnum en hann telur sig ekki vera fyrsta kost.
Gareth Southgate er mikið nefndur til sögunnar en forráðamenn United eru sagðir hrifnir af honum.
Daily Mail segir að endanleg ákvörðun um framtíð Ten Hag ráðist í vikunni en ljóst er að traustið til hans er ekki ýkja mikið miðað við alla fundina síðustu vikur.