Axel Óskar Andrésson, varnarmaður KR, var gestur í nýjasta þætti af Íþróttavikunni. Helgi Fannar Sigurðsson og Hrafnkell Freyr Ágústsson hafa umsjón með þættinum.
Vestri hefur tapað fyrstu tveimur leikjum sínum í Bestu deild karla. Það setur strik í reikninginn fyrir liðið að geta ekki spilað heimaleiki sína fyrir vestan.
„Það er náttúrulega ömurlegt að Vestri fái ekki að spila heima hjá sér,“ sagði Helgi í þættinum.
„Það er glatað,“ sagði Axel.
Hrafnkell telur að Vestri hafi ekki náð upp þeirri stemningu sem nauðsynlegt hefði verið fyrir þá að ná.
„Þeir hefðu þurft að fá einhverja leiki á heimavelli og fá fólkið með sér. Maður sér á móti Blikum að þetta er eiginlega stemningslaust lið. Maður sá engan anda þarna.“
Umræðan í heild er í spilaranum.