Það eru góðar líkur á að David de Gea sé að snúa aftur í boltann eftir að hafa yfirgefið Manchester United í fyrra.
Mundo Deportivo greinir frá en það er talið vera draumur De Gea að semja við stórlið og hefur hann hafnað þónokkrum tilboðum í vetur.
Mundo Deportivo segir að Barcelona sé sterklega að skoða það að semja við De Gea sem er 33 ára gamall.
Marc Andre ter Stegen er aðalmarkvörður Barcelona en hann hefur misst af 17 leikjum á tímabilinu vegna bakmeiðsla.
De Gea gæti fyllt hans skarð á meðan en hinn ungi Inaki Pena hefur staðið í marki Barcelona undanfarið.
De Gea lék með United í heil tólf ár en er frá Spáni og lék áður með Atletico Madrid.