Þorvaldur Örlygsson er nýr formaður KSÍ en þetta varð ljóst á ársþingi sambandsins nú í kvöld.
Þorvaldur er fyrrum atvinnumaður en hann spilaði með Nottingham Forest, Stoke City og Oldham Athletic á Englandi.
Þorvaldur eða ‘Toddy’ eins og hann var kallaður ytra er 57 ára gamall og lék 41 landsleik fyrir Ísland.
Hann var ekki sá eini sem bauð sig fram en þeir Guðni Bergsson og Vignir Már Þormóðsson voru einnig frambjóðendur.
Þorvaldur fékk 51,72 prósent atkvæða og var kjörinn formaður á meðan Vignir hlaut 48,28 prósent.
Guðni sem hefur áður setið í þessu sæti fékk aðeins 20,83 prósent í kosningunni og var fljótlega úr leik.
Þorvaldur hefur undanfarin ár gert það gott sem þjálfari og hefur undanfarin þrjú ár starfað sem aðstoðarmaður hjá Stjörnunni.