Erik ten Hag, stjóri Manchester United, var ekki of ósáttur í kvöld eftir leik liðsins við Fulham sem tapaðist 2-1.

United jafnaði metin er ein mínúta var eftir af venjulegum leiktíma en Fulham skoraði síðar sigurmark í blálokin.

Hollendingurinn var nokkuð sáttur með baráttu sinna manna en er þó að sjálfsögðu óánægður með úrslitin.

,,Við sýndum karakter með því að koma til baka og fengum tækifæri á að vinna leikinn,“ sagði Ten Hag.

,,Þeir náðu í sigurinn því einn af okkar leikmönnum var ekki rétt staðsettur. Við megum ekki leyfa þeim að sækja svona eftir innkast.“

,,Fulham er gott lið en við hefðum getað pressað þá betur. Við reyndum að vinna þennan leik en heilt yfir var gott að sjá karakter liðsins í kvöld.“