Eins og frægt er þá er búið að dæma fyrrum knattspyrnustjörnuna Quincy Promes í sex ára fangelsi í Hollandi.
Promes spilar með Spartak Moskvu í Rússlandi og verður um leið handtekinn ef hann snýr aftur til heimalandsins.
Promes var ákærður fyrir að taka þátt í því að flytja inn rúmlega tonn af kókaíni á sínum tíma – hann er 32 ára gamall í dag.
Leonard Nienhuis þekkir aðeins til Promes en hann var markvörður í efstu deild Hollands er Promes lék í sömu deild.
Nienhuis lagði skóna á hilluna 33 ára gamall og er í dag fangelsisvörður í Veenhuizen þar sem Promes gæti endað á að sitja inni.
,,Ef Promes verður sendur til Veenhuizen þá er hann bara eins og hver annar fangi fyrir mér,“ sagði Nienhuis.
,,Hann þarf ekki að klæðast appelsínugulum klæðnaði eins og venjan er og við munum koma fram við hann á sanngjarnan hátt.“
,,Ég spilaði gegn honum er ég var hjá Cambuur 2012, hann var framherji Go Ahead Eagles – Erik ten Hag þjálfaði liðið á þeim tíma.“
,,Hvað sem gerist þá veit Promes að það verður ekki auðvelt að komast framhjá mér!“