Eins óvænt og það hljómar þá reyndi Chelsea víst að semja við framherjann Darwin Nunez síðasta sumar.
The Times greinir frá en Nunez er að spila sitt annað tímabil með Liverpool í ensku úrvalsdeildinni.
Úrúgvæinn skoraði 15 mörk í 42 leikjum á síðasta tímabili en var ekki of heillandi á tímum og var um tíma orðaður við brottför.
Times segir að Chelsea hafi sýnt leikmanninum áhuga en hann hefur verið á fínu skriði undanfarið og er með níu mörk í 24 deildarleikjum.
Það kom aldrei til greina fyrir Liverpool að selja og ákvað Chelsea að lokum að leita annað.