Manchester United er enn ákveðið í að Mason Greenwood eigi ekki framtíð fyrir sér hjá félaginu og vill selja hann í sumar.
Greenwood er í láni hjá Getafe á Spáni í dag og hefur staðið sig virkilega vel í vetur.
Getafe mun líklega aldrei geta tryggt sér þjónustu Greenwood endanlega sem mun kosta 35 milljónir punda í sumar.
Frá þessu greina þýskir sem og spænskir miðlar en United er klárlega opið fyrir því að selja Englendinginn.
Um er að ræða 22 ára gamlan strák sem var um tíma ákærður fyrir að ráðast á kærustu sína en sú ákæra var felld niður að lokum.
Barcelona og Atletico Madrid eru talin hafa áhuga á Greenwood sem vill helst ekki snúa aftur til Englands í bráð.