Hinn afar reynslumikli blaðamaður Víðir Sigurðsson skrifaði áhugaverða grein í helgarblað Morgunblaðsins þar sem hann fór yfir stöðuna sem komin er upp er varðar stöðu vinstri bakvarða í íslenska karlalandsliðinu.

„Staða vinstri bakv­arðar var lengi vel hálf­gerð vand­ræðastaða í karla­landsliði Íslands í fót­bolta. Fáir ís­lensk­ir fót­bolta­menn sér­hæfðu sig í stöðunni og það kom oft­ast í hlut miðju­manna eða miðvarða að hlaupa í skarðið og taka að sér þetta hlut­verk, sem stund­um var óvin­sælt,“ segir meðal annars í grein Víðis.

„Miðvörður­inn Indriði Sig­urðsson og miðjumaður­inn Arn­ar Þór Viðars­son voru tveir þeirra sem lengi „sátu uppi með“ stöðuna og meira að segja í gull­ald­arliði síðasta ára­tug­ar voru það miðjumaður­inn Ari Freyr Skúla­son og miðvörður­inn Hörður Björg­vin Magnús­son sem skipt­ust á um að spila sem vinstri bakvörður.“

Bendir Víðir svo á að staðan sé allt önnur í dag og teflir hann fram sjö manna lista leikmanna sem gætu gert tilkall til að spila stöðu vinstri bakvarðar í íslenska landsliðinu eins og staðan er í dag.

Það eru Kolbeinn Birgir Finnsson (Utrecht), Logi Tómasson (Stromsgodset), Guðmundur Þórarinsson (Noah), Rúnar Þór Sigurgeirsson (Willem II), Davíð Kristján Ólafsson (Cracovia), Daníel Freyr Kristjánsson (Fredericia, á láni frá Midtjylland), Atli Barkarson (Zulte Waregem).

Logi og Kolbeinn voru í síðasta landsliðshópi en það verður áhugavert að sjá hverjir verða í náðinni undir stjórn nýs landsliðsþjálfara, en eins og flestir vita lét Age Hareide af störfum á dögunum.