Landsliðsmaðurinn Logi Tómasson var gestur Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.

Logi yfirgaf Víking á miðju tímabili í fyrra og gekk í raðir Stromsgodset í norsku úrvalsdeildinni. Hann fylgist þó áfram vel með sínum mönnum hér heima. Honum finnst sérstaklega gaman að sjá hvað liðinu gengur vel í Sambansdeildinni.

„Ég reyni að horfa á alla leiki með þeim. Það var auðvitað þungt að sjá þá tapa titlinum á móti Blikum og líka bikarúrslitunum. En það sem þeir eru að gera í Evrópu núna er helvíti stórt. Ef þeir hefðu unnið báða titlana líka væru allir að hneigja sig fyrir þeim en þetta sýnir líka hvað er stutt á milli í fótbolta.

Það var svo gaman að sjá þá vinna lið eins og Cercle Brugge, þó það hafi vantað leikmenn hjá þeim, og taka stigið úti í Armeníu. Bara að sýna að íslenskt lið getur náð árangri í Evrópu,“ sagði Logi.

Umræðan í heild er í spilaranum.