„Mér líður frábærlega, þetta gæti ekki verið meira spennandi,“ segir Jökull Andrésson sem var einn af fjórum leikmönnum sem skrifuðu undir hjá Aftureldingu í dag.

Ásamt Jökli var það meðal annars bróðir hann Axel Óskar sem skrifaði undir og kom frá KR.

„Við erum með fullt af nýjum leikmönnum, erum með stóra bró sem er rosalegt að segja. Það var einhver tilfinning að fara upp með þessu liði,“ segir Jökull sem kom á láni frá Reading síðasta sumar og hjálpaði liðinu upp í Bestu deild.

„Við erum ekkert að grínast, við ætlum ekki bara að vera heldur ætlum við að sýna að við eigum séns á að vera í þessari deild. Við ætlum að halda okkur uppi.“

Jökull var í samtali við önnur lið á Englandi og skoðaði það, en þegar Afturelding fór að ræða við bróðir hans gat hann ekki sagt nei við uppeldisfélagið.

„Maður talaði við önnur lið, í lok dags þegar Afturelding var búin að bjóða brósa samning. Þá var skrýtið að gera eitthvað annað, maður skoðaði allt.“

Viðtalið er í heild hér að neðan.