Enzo Fernandez, leikmaður Chelsea, hefur verið að spila betur undanfarnar vikur eftir nokkuð erfiða byrjun hjá félaginu.

Fernandez fær í dag að byrja flest alla leiki Chelsea en hann komst í fréttirnar í október eftir að hafa skilið við unnustu sína, Valentina Cervantes.

Parið hafði verið saman í mörg ár og kynntust sem táningar og eiga tvö börn aman.

Cervantes hefur nú staðfest það að fyrrum unnusti sinn hafi beðið hana um að ferðast til London og eyða jólunum með sér á sínu heimili.

Cervantes hafnaði því að eyða jólunum á Englandi en samþykkti þó að fagna nýju ári með leikmanninum.

,,Enzo bað mig um að koma til London um jólin. Ég sagði að ég væri frekar til í að vera í Argentínu því krakkarnir eiga fjölskyldu hérna og það gerir upplifunina sérstaka,“ sagði Cervantes.

,,Við ákváðum þó að þann 30. desember þá munum við ferðast til Englands og eyða nýju ári saman. Við reynum að gera allt til að gleðja börnin okkar.“