Rene Meulensteen, fyrrum þjálfari hjá Manchester United, hefur hrósað Wayne Rooney fyrir að taka að sér starfið hjá Plymouth.

Rooney ákvað að slá til og taka við Plymouth fyrr á þessu ári en þjálfaraferill hans hefur verið nokkuð skrautlegur hingað til.

Gengið hefur ekki verið of gott í vetur og er Rooney nú talinn vera ansi valtur í sessi í næst efstu deild Englands.

Meulensteen fór aðeins yfir feril Rooney sem þjálfari en hann hefur áður þjálfað tvö lið á Englandi með misgóðum árangri.

,,Derby var mjög erfitt verkefni miðað við aðstæður, félagið var í miklu veseni. Hann náði að halda þeim á yfirborðinu um tíma. Hann fór í MLS deildina sem er allt önnur áskorun – ég hef verið þar sjálfur,“ sagði Meulesnteen.

,,Það sem hélt aftur af honum var starfið hjá Birmingham. Liðið var að standa sig nokkuð vel og stuðningsmennirnir voru ánægðir með John Eustace.“

,,Wayne kemur inn því þeir breyttu um eigendur og vildi fá inn þekkt nafn. Þetta varð strax verra. Hann fékk tækifærið hjá Plymouth og sýndi hugrekki og ég virði hann fyrir það.“