Guðmundur Benediktsson, ástsælasti íþróttalýsandi þjóðarinnar, var gestur Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.

Albert Guðmundsson, sonur Guðmundar, er að komast á fullt með Fiorentina, liðsins sem hann gekk til liðs við í sumar frá Genoa, þar sem hann hafði slegið í gegn. Hann hefur verið meiddur stóran hluta leiktíðar en það styttist í að hann geti farið að spila heilan leik.

„Það er stutt í að Albert finni aftur sitt besta form. Hann þarf aðeins fleiri mínútur í fæturnar og þá hef ég trú á að góðir hlutir gerist,“ sagði Guðmundur, sem er sáttur með skrefið sem sonurinn tók í sumar.

„Fiorentina er risaklúbbur og þetta er frábær borg, Flórens. Ég er mjög ánægður með þetta. Það eru miklar kröfur og væntingar gerðar til Fiorentina og þeir vilja vera að keppa við risana.“

Fiorentina er á uppleið og vill keppa við bestu liðin á Ítalíu.

„Þeir eru rétt fyrir neðan í augnablikinu en ég held þeir geti auðveldlega stefnt að því að ná að minnsta kosti Meistaradeildarsæti á þessari leiktíð. Ég held þeir séu alveg með liðið í það.“

Umræðan í heild er í spilaranum.