Jordan Pickford, leikmaður Everton á Englandi, er umræðuefni í enskum blöðum í dag en hann er einnig markvörður enska landsliðsins.

Pickford er giftur konu að nafni Megan Davison en þau eiga saman tvö börn og hafa verið í sambandi í nokkuð langan tíma.

Enskir miðlar greina nú frá því að Pickford hafi sést með hinni umdeildu Lauryn Goodman sem á tvö börn með bakverðinum Kyle Walker.

Walker og Pickford þekkjast vel en þeir hafa lengi verið samherjar í enska landsliðinu og spilað á stórmótum fyrir sína þjóð.

Goodman er ein sú umdeildasta á Englandi en hún eignaðist tvö börn með Walker á meðan hann var í sambandi með konu að nafni Annie Kilner – þau voru gift en eru nú að skilja.

Samkvæmt þessum fregnum sást Pickford á djamminu í London á sunnudag ásamt Goodman en hann fór út á lífið ásamt vinum sínum í enska stórliðinu.

The Sun fjallar ítarlega um málið og ræddi við vitni sem hafði þetta að segja: ‘Ég er ekki viss um að eiginkona Jordan, Megan, sé mjög ánægð með að heyra af því að hann sé að skemmta sér með Lauryn miðað við hennar sögu með Kyle Walker.’

Tekið er fram að það bendi ekkert til þess að Pickford hafi haldið framhjá eiginkonu sinni og er það mögulega tilviljun að Goodman hafi verið á sama skemmtistað á sunnudagskvöldið.