Eins og greint var frá um helgina hefur nýtt ofurpar fæðst á Englandi, þau Grace Rosa Jackson og Marcus Rashford. Vörumerkjasérfræðingur segir þau geta orðið næstu David og Victoria Beckham.
Jackson, sem er fyrrum Love Island stjarna og Rashford, sem er leikmaður Manchester United, hafa hisst í nokkra mánuði og eru sögð yfir sig ástfangin.
Jackson gerði sem fyrr segir garðinn frægan í Love Island en hún er einnig öflug viðskiptakona, samfélagsmiðlastjarna og fyrirsæta.
„Grace gæti orðið næsta Victoria Beckham. Hún þekkir bransann þegar mjög vel og mun hafa góð áhrif á Marcus. Hann gerði vel í að útvega skólamáltíðir fyrir börn á meðan Covid stóð yfir svo hann kann að nota áhrif sín til góðs. Það verður gaman að sjá hvað þau gera saman,“ segir vörumerkjasérfræðingurinn Carla Speight.
Rashford hefur látið til sín taka í fatabransanum og er á mála hjá fyrirtæki Jay-Z, Roc Nation, en Speight segir hann geta tekið stærri skref í þeim efnum.
„Hann getur fetað í fótspot David Beckham. Fyrir utan fatabransann hefur hann látið lítið fyrir sér fara svo það verður gaman að sjá hvert áhrif hennar taka hann.“
Jackson er með yfir hálfa milljón fylgjenda á Instagram og í haust stofanði hún margmiðluarfyrirtækið Grace Rosa Limited. Hún hefur sjálf unnið með stórum fyrirtækjum, eins og bjórfyrirtæki Conor McGregor.
