KSÍ mun halda tvö KSÍ B 3 þjálfaranámskeið á höfuðborgarsvæðinu í janúar og febrúar. Fyrra námskeiðið verður helgina 11.-12. janúar og það síðara verður helgina 1.-2. febrúar.
Þátttakendur fá aðgang að kennsluforritinu Canvas viku áður en námskeiðið hefst. Þá viku þurfa þátttakendur að nýta til undirbúnings, horfa á fyrirlestra, svara spurningum úr einstaka fyrirlestrum og undirbúa umræðuefni.
Ath. – skráningu lýkur því rúmri viku fyrir námskeið.
Námskeiðið er opið þeim sem tekið hafa KSÍ B 2 þjálfaranámskeið.
Dagskrá námskeiðanna er að finna hér fyrir neðan. Dagskráin er birt með fyrirvara um breytingar.
Námskeiðsgjald er 40.000 kr.
Skráning:
11.-12. janúar (skráningu lýkur 3. janúar)
1.-2. febrúar (skráningu lýkur 24. janúar)
Ath. af gefnu tilefni fylgja hér fyrir neðan reglur fræðslunefndar KSÍ um mætingu á þjálfaranámskeið:
• Fjarvist vegna KSÍ: (t.d. leikir í móti og landsliðsæfingar) að hámarki 4 kennslustundir. 5 kennslustundir þýðir nýtt námskeið.
• Fjarvist af öðrum ástæðum: að hámarki 2 kennslustundir. 3-4 kennslustundir þýðir verkefni. 5 kennslustundir þýðir nýtt námskeið.
Vinsamlegast athugið að mót á vegum KSÍ eru Lengjubikar, Bikarkeppni KSÍ og Íslandsmót. Önnur mót eru ekki á vegum KSÍ.
