Freyr Alexandersson kveður belgíska félagið Kortrijk sáttur með eigin störf, vitandi að hann hefði ekki getað gert meira. Þettta segir hann í færslu á Facebook.

Freyr tók við fyrir um ári síðan og bjargað Kortrijk á magnaðan hátt frá falli úr belgísku úrvalsdeildinni á síðustu leiktíð.

Gengið undanfarið hefur ekki verið gott og liðið í þriðja neðsta sæti eftir 18 leiki. Einhverjir stuðningsmenn kölluðu eftir höfði Freys sem nú er farinn.

„Ég verð að byrja á að segja að ég er í áfalli yfir hversu margir hafa haft samband undanfarin sólarhring. Stuðninginn met ég mikils,“ segir Freyr.

„Ég get sagt ykkur það að mér líður vel. Ég veit að ég gerði allt til að lækna þetta félag en nokkrir aðilar ákváðu að ég mér myndi ekki takast það. Ég veit að mér hefði tekist það ef allir væru að róa í sömu átt.

Ég hef lært svo mikið um bransann undanfarið ár. Það er gjöf.“

Færsla hans í heild er hér að neðan.