Maður að nafni Loic Lapoussin þurfti að taka við nokkuð óvenjulegri refsingu í vikunni eftir ummæli sem hann lét falla um eigið félag.

Lapoussin er á mála hjá Union SG í Belgíu en eigandi félagsins er Tony Bloom sem á einnig Brighton.

Refsingin minnir verulega á teiknimyndafígúruna Bart Simpson sem hefur lengi verið í sjónvarpi landsmanna í þáttunum The Simpsons.

Lacoussin gagnrýndi heimavöll Cercle Brugge opinberlega um helgina eftir að liðin gerðu markalaust jafntefli í belgísku úrvalsdeildinni.

Þessi 28 ára gamli leikmaður þurfti að skrifa ‘Union – Cercle’ margoft á töflu áður en honum var hleypt heim af þjálfarateyminu.

,,Með fullri virðingu þá vil ég varla spila fótbolta við þessar aðstæður,“ sagði Lacoussin um heimavöll Cercle.

,,Það er ekki gaman fyrir stuðningsmennina okkar að koma hingað heldur. Það er gífurlegur munur á að spila á heimavelli Club Brugge og á þessum velli.“

Þessi ummæli Lacoussin fóru illa í marga og ákvað hann að slá til og biðjast afsökunar með þessum hætti.