Hlaðvarpsstjarnan Vilhjálmur Freyr Hallsson fór aðeins yfir ferð sína til Portúgal á dögunum í nýjasta þætti af Steve Dagskrá. Þar voru stjörnur úr Bestu deildinni með í för.

Aron Jóhannsson í Val, Björn Daníel Sverrisson í FH og Kári Árnason, yfirmaður knattspyrnumála hjá Víkingi, voru með í för og sagði Vilhjálmur sögu af þeim síðastnefnda frá golfvellinum.

„Hann lokaði tveimur dílum á meðan við vorum á holu 2 og 3. Svo geirnegldi hann þá daginn eftir. Hann var mikið með umboðsmenn í símanum,“ sagði Vilhjálmur.

Víkingur sótti einmitt þá Daníel Hafsteinsson og Svein Margeir Hauksson frá KA á dögunum.

„Hann sótti Danna Hafsteins og Svein Margeir og spilaði svo hið fullkomna golf. Það var ekkert vesen á honum,“ rifjaði Vilhjálmur upp, léttur í bragði.