Cristiano Ronaldo sendir fasta sneið á fyrrum samherja sinn hjá Real Madrid, Rafael van der Vaart. Ummæli hans í vikunni vöktu mikla athygli.

Ronaldo kann illa við það þegar gamlir liðsfélagar fara að ræða hans mál á neikvæðan hátt.

„Ég segi þetta alltaf sem brandara, Ronaldo er eini samherji minn sem ég sá aldrei typpið á. Hann var alltaf fyrstur á æfingu og síðastur heim,“ sagði Van der Vaart.

Ronaldo hefur ekki gaman af þessu og skrifar á Instagram. „Hvaða maður er þetta?,“ segir Ronaldo.

Á Instagram færslunni má sjá þá félaga fallast í faðma eftir að Ronaldo hafði skorað mark fyrir Real Madrid á sínu fyrsta tímabili árið 2009.

Mikið var hlegið á Talksport þegar sá hollenski lét ummælin falla. „Hann var í raun eins og maskína.“

„Hann var á undan sínum tíma, leikmenn í dag eru allir svona. Hann æfði mikið, alltaf í ræktinni, borðaði rétt, borðaði rétt og gerði allt sem hann gat utan vallar til að hjálpa sér.“

Van der Vaart segir að Ronaldo hafi þó haft sína galla. „Hann hugsaði um sjálfan sig, ef við unnum 6-0 þá var hann ekki sáttur ef hann skoraði ekki. Ef við töpuðum en hann skoraði tvö þá var hann sáttur.“

„Spilaði hann bara fyrir sjálfan sig? Nei en hann varð að skora. Ruud van Nistelrooy var eins. Við áttum mörg spjöll við hann og hann sagðist bara þurfa sín mörk.“