Landsliðsmaðurinn Logi Tómasson var gestur Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.

Logi, sem leikur með Stromsgodset í Noregi, er ekki bara knattspyrnumaður heldur farsæll tónlistarmaður einnig. Hann er að halda sínu fyrstu tónleika í Gamla Bíói þann 22. desember.

„Það verða flottir gæjar þarna með mér. Maður þarf að gera þetta 100 prósent fyrst maður er að þessu“ sagði Logi, en fleiri listamenn verða með honum á sviði og má þar nefna Patrik Atlason og Herra Hnetusmjör.

Logi hefur getað einbeitt sér töluvert að tónlistinni eftir að hann varð atvinnumaður í fótbolta.

„Ég mæti snemma á morgnanna og er búinn seinni partinn. Þá hefur maður tíma til að hugsa um tónlist og alls konar aðra hluti. Þetta hentar bara vel með boltanum,“ sagði Logi en fótboltinn er þó í fyrsta sæti.

„Þegar maður er í A-landsliðinu í fóbolta geturðu ekki verið úti um allt að auglýsa þig eins og aðrir sem eru bara tónlistarmenn. Það er smá flókið að púsla þessu saman en ég reyni að gera það eins fagmannlega og rólega og ég get. Ég reyni að láta þetta ekki trufla mig.“

Umræðan í heild er í spilaranum.