Carlos Tevez, fyrrum leikmaður Manchester United, hefur sagt ansi skemmtilega sögu af tíma sínum hjá félaginu en hann hefur lagt skóna á hilluna í dag.

Tevez kom til United frá West Ham á sínum tíma en samdi síðar við grannana í Manchester City og spilaði vel fyrir þá bláklæddu og er því ansi umdeildur í borginni á meðal þeirra rauðklæddu.

Tevez gerði þau ‘mistök’ að mæta á æfingar United á Audi bifreið og fékk óvænt mikla gagnrýni frá samherjum sínum.

Liðsfélagar Tevez gerðu grín að honum fyrir að mæta á Audi sem endaði með því að Wayne Rooney gaf honum Lamborghini bíl að gjöf.

,,Leikmenn Manchester United mættu á æfingar á annað hvort Ferrari eða Lamborghini,“ sagði Tevez.

,,Allir leikmennirnir, jafnvel þeir verstu, áttu Ferrari. Ég lét mætti á æfingasvæðið á Audi bíl sem ég fékk frá félaginu og var lagður í einelti vegna þess. Þeir stríddu mér mikið, eins og ég væri keyrandi um á Fiat 600!“

,,Wayne Rooney, eins klikkaður og hann var, hann sagði mér að setjast undir stýri á rándýrum Lamborghini bíl.“

,,Ég keyrði um Manchester á bifreið sem var ekki skráð á mitt nafn, hann gaf mér bílinn!“