Dimitar Berbatov viðurkennir að hann hafi nánast farið að gráta er hann frétti af því að Harry Kane væri á förum frá Tottenham.

Berbatov er fyrrum leikmaður Tottenham og styður liðið en Kane samdi við Bayern Munchen 2023.

Búlgarinn var steinhissa er hann frétti af því að Kane væri á förum enda um markahæsta leikmann í sögu Tottenham að ræða.

Hann er einnig hissa á því að ekkert lið á Englandi hafi boðist til að borga það sama og þýska stórliðið fyrir hans þjónustu.

,,Harry Kane er vél. Ég grét þegar hann yfirgaf Tottenham! Ég grét kannski ekki alveg en skildi ekki hvað væri í gangi,“ sagði Berbatov.

,,Var ekkert annað félag í ensku úrvalsdeildinni sem vildi halda honum í þeirri deild?“