Jamie Carragher sérfræðingur Sky Sports er harður á því að Mikel Arteta stjóri Arsenal sé að fara þá leið sem Jose Mourinho fór með Chelsea.
Það er að byggja liðið upp á öguðum varnarleik með stórum og kraftmiklum leikmönnum þar sem mikil áhersla er lögð á föst leikatriði.
„Ef fólk er ekki sammála mér þá tel ég að fólk sé ekki að horfa. Ég held að Arteta sé á því að hann sé ekki með sömu gæði og Manchester City í sókninni,“ sagði Carragher.
„Hann ætlar því að fara aðra leið til að vinna deildina, það er að vera öflugur varnarlega og kraftmeiri.“
„Þangað er liðið að leita, þetta er ekki gagnrýni heldur er ég að skoða hlutina eins og þeir eru.“
View this post on Instagram
