Stórleik helgarinnar í ensku úrvalsdeildinni er nú lokið en spilað var á Old Trafford í Manchester.
Chelsea kom í heimsókn á þessum ágæta sunnudegi en leikurinn var ekki of opinn og var lítið um opin marktækifæri.
United fékk þó nokkur ákjósanleg færi í viðureigninni og þá aðallega Alejandro Garnacho sem átti ekki sinn besta dag.
United komst yfir í leiknum í seinni hálfleik en Bruno Fernandes skoraði úr vítaspyrnu eftir að Robert Sanchez hafði gerst brotlegur.
Moises Caicedo jafnaði metin fyrir Chelsea með flottu skoti fyrir utan teig eftir hornspyrnu.
Lisandro Martinez, leikmaður United, átti mögulega að fá rautt spjald í leiknum en hann braut ansi groddaralega á Cole Palmer undir lok leiks.
Enzo Maresca, stjóri Chelsea, er á því máli að Martinez hafi verið heppinn að sleppa með rautt.
,,Þegar það er engin vilji til að fara í boltann og aðeins leikmanninn þá er það rautt spjald,“ sagði Maresca eftir leik.
,,Dómarinn vildi ekki segja neitt. Leikmaðurinn reyndi ekki við boltann og fór beint í fætur leikmannsins. Þetta er augljóslega rautt spjald.“
