Ruben Amorim, nýr stjóri Manchester United, vill fá leikmanninn Goevany Quenda til félagsins á næsta ári.
Frá þessu greinir portúgalski miðillinn A Bola en Quenda er afskaplega efnilegur og spilar með Sporting Lisbon.
Amorim er einmitt að koma til United frá Sporting en hann hefur störf þann 11. nóvember næstkomandi.
Quenda er 17 ára gamall sóknarmaður og spilar undir Amorim en hann hefur komið við sögu í 14 leikjum á tímabilinu og skorað tvö mörk.
Leikmaðurinn þykir gríðarlega efnilegur en hann er fæddur 2007 og á að baki tvo landsleiki fyrir U21 landslið Portúgals.
Quenda er talinn vera efstur á óskalista Amorim fyrir næsta ár enda um efnilegasta leikmann Sporting að ræða.
