Ruben Amorim er ekki í þjálfun til að leika sér en þetta segir Gabby Agbonlahor, fyrrum leikmaður Aston Villa, sem þekkir aðeins til þjálfarans.
Amorim og Agbonlahor voru saman í Belfast á sínum tíma en þeir unnu sér inn þjálfararéttindi ásamt öðrum fyrrum leikmönnum.
Það er mikið talað um Amorim í dag en hann hefur samþykkt að taka við Manchester United eftir dvöl hjá Sporting í heimalandinu, Portúgal.
Flestir nemendur á þessu námskeiði voru tilbúnir að skella í sig nokkrum bjórum eftir að deginum lauk en Amorim hafði engan áhuga á að taka þátt í því.
,,Ég lærði UEFA B og UEFA A í Belfast og það kostaði mig um þúsund pund,“ sagði Agbonlahor.
,,Ég var þar síðast 2020 og man eftir að hafa notið þess þó að veðrið hafi alltaf verið ömurlegt.“
,,Amorim byrjaði á svipuðum tíma eða 2019 eftir að hafa sagt upp hjá sínu fyrsta liði þar sem hann var ekki með réttindin til að þjálfa.“
,,Við vorum svona 20 þarna, Benjani, Chris Samba, Lee Cattermole, Craig Gardner og Alex Bruce á meðal annars. Öllum líkaði vel við Amorim en þú sást hann aldrei eftir að tímunum lauk – hann var hvergi sjáanlegur eftir klukkan átta.“
,,Eftir hvern tíma þá kíktum við á írskan bar en hann hafði engan áhuga á að koma með okkur. Við vorum mættir þarna til að ná í gráðurnar eftir að ferlinum lauk og vildum klára það sem fyrst.“
,,Hann talaði góða ensku á þessum tíma. Ég man eftir honum sem leikmanni en hann er ári eldri en ég.“
Agbonlahor hélt áfram og vill meina að Portúgalinn muni henta liði Manchester United vel og að hann sé rétti maðurinn í starfið.
