The Upshot er oft með puttann á púlsinum í málum utan vallar í knattspyrnunni og bauð upp á svakalega sögu á dögunum.

Sagan segir að giftur þjálfari hjá karlaliði í neðri deildum Englands (B, C eða D-deild) hafi fyrir tveimur árum verið rekinn fyrir að sofa hjá leikmanni kvennaliðs félagsins.

Eftir að leikmenn komust að þessu mættu þeir á næstu æfingu með kynlífsdúkku meðferðis. Ekki nóg með það, andlit leikmannsins í kvennaliðinu var á dúkkunni.

Þjálfarinn krafðist þess að leikmennirnir yrðu lánaðir burt og varð félagið við því.

Hins vegar ákvað félagið skömmu síðar að reka þjálfarann sem um ræðir áður en fréttir af málinu rataði í fjölmiðla.

Þjálfarinn sat eftir með sárt ennið og bjó á hótelherbergi þar sem eiginkona hans var, eðlilega, ósátt.